Vektløfting

 

Velkomen til Vektløftargruppa

 

  • Ekstraordinært årsmøte i BBIL

    Søndag 26.mars kl.20:00 vert det ekstraordinært årmøte i Breimsbygda idrettslag. Det finn stad på kontoret i 1.etasje på stadionbygget.

     

    Sakliste:

    1.Konstituering

    2. Val

    Vel møtt!

    Les meir

  • Innkalling og sakliste til årsmøte i Breimsbygda idrettslag

    Velkomen til årsmøte i Breimsbygda idrettslag søndag 5.mars kl.20.00.

     

     

     

    Sakliste til årsmøtet i BBIL på Breim skule 5. mars 2017 kl. 2000.

    1. Konstituering.
      1. Godkjenning av innkalling.
      2. Godkjenning av sakliste.
      3. Val av møteleiar.
      4. Val av sekretær.
      5. Val av to til å skrive under møteboka.
    2. Årsmelding for 2016.
    3. Rekneskap for 2016.
    4. Medlemskontingent for 2017.
    5. Budsjett for 2017.
    6. Val.
    7. Godkjenning av valde gruppestyrer.

    Møtet finn stad i klasserommet ved skulekjøkken i kjellaren, inngang ved gymsal.

    Les meir

  • Robert Andre Moldestad sølv i Nordisk vektløfting!

    Breimsbygda IL gratulerer Robert Andre Moldestad med Nordisk sølv i vektløfting, klasse 62 kg (56-62 kg kroppsvekt).
    Han fekk 81 kg i rykk og 103 kg i støt under Nordisk meisterskap for ungdom på Island i dag.


    Det var 5 deltakarar i klassa. Robert Andre har eitt år att som ungdomsløftar (t.o.m 17år) medan den svenske vinnaren var eitt år eldre og går over i juniorklassa neste år.
    Resultata til Robert Andre var likt med eller betre enn personlege rekordar. Så i tillegg til plasseringa viste han seg som ein svært god konkurransemann i sitt første internasjonale meisterskap.

    Les meir

  • Gull, sølv og bronse i NM Vektløfting Jr.

    I helga var det NM i vektløfting for juniorar i Gjøvik. Sogn og Fjordane stilte sterkt og frå Breimsbygda idrettslag var det heile 7 deltakarar og dei kom heim med edelt metall i bagasjen.


    Dei 11 juniorane frå Sogn og Fjordane oppnådde fylgjande plasseringar:

    2 gull:
    Robert Andre Moldestad frå Breimsbygda IL i klasse 62 kg og Hans Sande frå IL Brodd i klasse 94 kg.

    2 sølv:
    Marcus Røed Frøyset frå IL Brodd i klasse 69 kg og Ole-Kristoffer Sørland frå Breimsbygda IL i klasse 105 kg.

    2 bronse:
    Bjarne Bergheim i klasse 85 kg og Leiv Arne Støyva Sårheim i klasse +105 kg, begge desse frå Breimsbygda IL

    3 stk på den såkalla "sure" 4-plassen, men etter flott innsats:
    Julia Jordanger Loen frå Breimsbygda i klasse 58 kg, Vilde Sårheim i klasse 69 kg, også frå Breimsbygda, og Vemund Holstad frå Tambarskjelvar IL i klasse 77 kg

    1 stk 5-plass:
    Maithe Eilander frå Breimsbygda i klasse 58 kg

    1 stk 6-plass:
    Håkon Hjelle Roset frå IL Brodd i klasse 77 kg.

    Ei rad personlege rekordar både på medaljevinnarane og dei som enda utanom pallen!

    Sogn og Fjordane stilte med ein svært ung tropp i år: Heile 7 av dei 11 er ungdomsløftarar med minst 3 år att i juniorklassa. Det lovar godt også for framtidige junior-NM!

    Les meir

  • Eldsjelprisen 2015

    Ola Bergheim vart under årsmøte til Breimsbygda idrettslag tildelt Eldsjelprisen 2015. Ola har vore leiar i vektløftargruppa gjennom fleire generasjonar og dei siste åra har vektløfting og styrketrening hatt ein skikkeleg opptur i Breimsbygda. Ein velfortent pris!

    Arbeidsutvalet i Breimsbygda idrettslag kan årleg tildele Årets eldsjelpris etter vurdering av innkomne kandidatar. Dette er grunngjevinga for tildelinga av Eldsjelprisen 2015:

    Årets eldsjel har vore leiar i vektløftargruppa gjennom fleire generasjonar. Han starta opp med
    vektløfting i gamle Bergheim Skule. Seinare var det tillaga vektrom i lageret i Stadionbygget. lkkje
    optimale forhold, men denne gav likevel vektløfting og styrketrening ein oppsving, og det vart fleire
    aktive. Dei siste åra har vektløfting og styrketrening hatt ein skikkeleg opptur i Breimsbygda.
    Vi har fått 1·2·3 treningsstudioet, med ei eiga avdeling for frivekter, som naturleg nok fekk namnet
    OLAROMMET. Der er det godt lagt til rette for trening med frivekter, og diverse anna utstyr.
    Med desse fasilitetane har han fått ein framifrå stad for å kunne holde på med det han er aller best
    til: å tilrettelegge trening og instruksjon for alle som ønskjer å prøve ut vektløfting, styrke/spenst
    og basistrening.

    Han har ein enorm kunnskap om trening generelt og styrketrening spesielt! Denne kunnskapen
    ausar han av til alle som ynskjer det , uansett om dei er unge, eldre, frå andre lag eller idrettar.
    Styrke/basistrening er noko alle treng enten ein er aktiv utøvar eller berre mosjonist, er mottoet
    til årets eldsjel.

    Dei siste åra har han fått fram mange unge løftarar, som hevdar seg godt på nasjonalt nivå, særleg i
    Ungdoms- og juniorklassene. Han har trena fram løftarar frå Breimsbygda som har teke både gull,
    sølv og bronse i Jr.NM og Ungdomsmeisterskapet. Ein utøvar har også hevda seg i senior- NM, sjølv
    om han er ungdomsløftar. Det er utruleg kjekt at også ein del jenter har funne sin idrett i vektløftinga.
    Vi kan nemne at BBIL har 6-7 utøvarar som er kvalifiserte til Jr-NM i 2016.

    Den 25.04.2015 arrangerte BBIL og BRODD Jr.NM i vektløfting i Trivselshallen på Sandane. Her sto
    sjølvsagt han i bresjen for dette arrangementet, som fekk mykje skryt frå utsendingar frå
    Vektløftarforbundet. Stemnet blei ”livestreama”, ei flott marknadsføring av Trivselshallen, og
    Gloppen og Idrettslaget.

    Andre, mindre stemner arrangerer han nærast heile tida, i 123 lokala. Her med god hjelp frå unge
    dommarar frå miljøet. Ola har arrangert fleire dommarkurs, slik at laget er sjølvhjelpte med
    kvalifiserte dommarar. Han har sett verdien av å gje dei unge både tillit og ansvar slik at dei sjølve
    kan vidareføre idretten. Gruppa har og arrangert løfteskular, krinsårsmøte og tre krinssamlingar siste året.

    Utøvarar frå BBIL har delteke på mange stemner rundt om i landet, helle tida med han som reiseleiar,
    trenar, reservepappa, fotograf, osv. Også som trenar i friidrettsgruppa og GFIL stillar han på ved behov.
    Ola er eit stødig innslag som funksjonær i kastøvingane på Byrkjelo Stadion og har i dag leiarvervet i Vektløftarkrinsen.

    Etter han pensjonerte seg, har han stort sett hatt tilhald på 123, (takk for det Grete! ) eller er i ferd
    med å redigere bilde eller opptak frå eit eller anna løftestemne eller trening, som bli lagt ut på nettet,
    med analyser og kommentarar til.
    Han er svært oppteken av internasjonal forsking på trening, idrett og folkehelse. Dette slik at våre
    utøvarar alltid får innføring i det siste på treningsfronten.
    Vi kan vel seie det slik at vi er blant dei få, som har trenar og leiar «på heiltid» GRATIS.
    SJELDAN HØVER VEL UTTRYKKET «El EKTE ELDSJEL, SOM BRENN FOR IDRETTEN»,
    BETRE ENN PÅ
    OLA BERGHEIM.”

    Les meir

  • Stimulanseprisen 2015

    Under årsmøte til Breimsbygda idrettslag 28.februar vart Robert Andre Moldestad tildelt laget sin stimulansepris. Robert Andre trenar seriøst og målbevisst for å kunne prestere på eit høgt nasjonalt nivå, innan fleire idrettar og var ein verdig vinnar av Stimulanseprisen 2015.

    Det er arbeidsutvalet (AU) i Breimsbygda idrettslag som kan tildele Stimulanseprisen årleg etter vurdering av innkomne kandidatar. I begrunninga for Moldestad som årets prisvinnar, har AU sagt følgjande:

    “Han trenar seriøst og målbevisst for å kunne prestere på eit høgt nasjonalt nivå, innan fleire idrettar.
    I sesongen 2015 deltok han aktivt i vektløfting, friidrett og handball.
    På treningssida har han lagt ned ca 500 treningstimar i 2015.
    Har ei god forståing av «å skunde seg langsamt», og åta steg for steg.

    HANDBALL
    I sesongen 14/15 spelte han på STIL sitt G15 lag i handball. Der han markerte seg som ein
    av dei best trente på laget, som enda omlag midt på tabellen.

    VEKTLØFTING 2015
    1. Stimulansepris: Framlegg om Robert Andre Moldestad.
    Grunngjeving: Som det går fram av årsmeldinga er han både den i vektløftargruppa som har
    delteke på fleste stemne (15 stemne og 3 krinssamlingar) og har dei beste idrettslege
    plasseringane i vektløftargruppa i 2015, på nasjonalt toppnivå:
    a) Vestlandsmeister i Bergen i januar
    b) Nr. 1 i junior-NM på heimebane i Trivselshagen i april
    c) Nr 2 i klasse 15-16år under NM 5-kamp i Larvik i september, etter eitt år eldre Eskil Andersen frå Stavanger som var Noreg sin einaste deltakar på EM ungdom.
    d) Nr 1 i Ungdoms·NM på Hitra i november
    e) Med på ungdomslaget (opp til og med 17 år) som for første gong kvalifiserte seg til Lag-
    N M (dei 4 beste laga i lagserien etter 4 serieomgangar). Under Lag-NM på Vigrestad i
    desember vart BBIL vart nr 3. Individuelt fekk Robert Andre der pokal for 3. beste
    ungdomsresultat, i kamp med opptil 2 år eldre utøvarar.
    f) Med resultata 75 kg i rykk og 92 kg i støt under lag-NM kvalifiserte Robert Andre seg
    som den første i BBIL til deltaking i senior-NM 2016, som går i Trondheim i februar. Vi er
    ikkje kjent med at nokon i hans vektklasse (56-62 kg kroppsvekt) verken på ungdoms,
    junior eller seniornivå løfta meir enn han i 2015. Robert Andre vil difor vere ein av
    medaljefavorittane også på senior-NM. Det er sterkt av ein 15-åring å løfte 1,5 gong eiga
    kroppsvekt!
    g) Robert Andre er også ein av dei beste sprinte rane i landet i si årsklasse. Og difor sterkt
    medverkande til at BBIL sitt lag i gutar opptil 18 år for første gong vann 5-kampserien.
    Pokalen som vinnar vart utdelt av president Per Mattingsdal på banketten i samband
    med Lag-NM på Vigrestad.
    h) Robert Andre var også sjølv med 2 år att i ungdomsklassa - heilt opp under kravet for
    deltaking i Nordisk Meisterskap for ungdom. Dette kravet vil han klare i 2016 ut frå den
    utviklinga han har hatt og den innsatsen han legg ned i treninga. Det vil i så fall bli ein tur
    til Island i slutten av oktober der Nordisk meisterskap 2016 skal vere.
    (dette klarte han under senior N M førre helg, der han løfta 80+100 kg, pers med 9 kg.
    som gav sølvmedalje)
    I tillegg til stor deltaking og høgt sportsleg nivå i vektløfting, har Robert Andre i 2015
    også tatt dommarkurs i vektløfting der han klarte kravet til forbundsdommargrad.
    Han er av dei utøvarne som er interessert i trening og leiing, og har tatt
    Barneidrettstrenarkurs som første skritt på den vegen. Han fylgjer svært godt med på
    informasjon om trening, både i og utanfor vektløfting. Og er svært sjølvstendig og
    fornuftig utprøvande i treningsarbe idet . Han er ein av dei som tar ansvar og rettleier
    andre når hovudtrenar ikkje er til stades.
    Oppsummerande har Robert Andre i 2015 vist - og spesielt i høve til alder (15 år, f.
    04.01.2000) - alle dei kvalitetane vi meiner er viktig å stimulere vidareutvikling av og
    setje opp som rollemodell i form av ein stimulansepris!

    FRIIDRETT
    Den gode framgangen frå 2014 har ha Ide fram, og han har etablert seg blant dei beste sprinterane i
    landet i si klasse. I sesongen 2015 har han delteke på ca 15 ulike stemner og stafettar.
    Det store målet for sesongen var UM på Lillestrøm. Der blei han nr 3 på 100 m med tida 11.65. I
    2015 forbetra han persen på 100m med over eit sekund. Med det resultatet er han og kvalifisert
    for Jr.NM i 2016.
    Her er plassering, øving, resultat og øving i fylket og i landet.
    Plass i Sogn og Fj. Resultat Plass i Noreg, av i alt.
    1.pl 60m 7,61 4.pl av ca 100 stk
    1.pl 100m 11.65 3.pl av 135 stk
    1.pl 200m 24.60 17.pl av 130stk
    2.pl400m 58.62 19.pl av ca 50 stk
    1.pl Lengde 5,29 21.pl av93 stk
    1.pl Tresteg 11.04 13.pl av 50 stk
    2.pl Kule 4 kg 11.07 21.pl av ca 100 stk
    2.pl Spyd 600 g 35.36 25.pl av 63 stk

    Er framleis i god trening og satsar no primært på FRIDRETT og VEKTLØFTING, men er oppteken av
    allsidig utvikling for å nå sine mål.
    Har og teke trenarkurs i Barneidrett, og vore trenar på Friidrettsskulen for dei yngste.
    Har ei god haldning både på og utanfor bana, som gjer han til ein god rollemodell for dei yngre
    utøvarane.”

    VI GRATULERER ROBERT ANDRE MOLDESTAD MED STIMULANSEPRISEN 2015!!

    Les meir

  • Årsmøte Breimsbygda IL

    Søndag 28. februar blir det årsmøte i BBIL hos Bakar Jon. Vi håpar lagets medlemmer set av denne kvelden og møter då det er mange viktige saker som skal takast stilling til! Sjå sakliste ved å lese vidare...

     

     

    Årsmøte i Breimsbygda il

    søndag 28. februar 2016 kl 20.00 hjå Bakar Jon

    Sakliste:

    1. Konstituering.
    2. a) Godkjenning av innkalling
    3. b) Godkjenning av sakliste.
    4. c) Val av møteleiar.
    5. d) Val av sekretær.
    6. e) Val av to til å skrive under møteboka.
    7. Årsmelding for 2015.
    8. Rekneskap for 2015.
    9. Medlemskontingent for 2016.
    10. Budsjett for 2016.
    11. Sportsplan 2016 – 2020 Du finn planen her
    12. Lovendringar Lovnorma finn du her
    13. Val.
    14. Godkjenning av valde gruppestyrer.
    15. Innkomne saker.

    I samband med matøkta vert BBIL sin Stimulansepris

    og Eldsjelpris for 2015 delt ut.

    Vel møtt!

    BBIL v/styret.

    Les meir

  • Årsmelding 2015

    Her kan du lese årsmeldinga for BBIL for 2015.

     

    Husk årsmøte 28. februar hos Bakar Jon!

     

    Les meir

  • Bronse i lag NM

    Fantastisk innsats av Breimsgutane og 3.plass i ungdomsklassen under lag NM i vektløfting! Gratulerer til Ole Kristoffer, Reiel, Robert Andre, Leiv Arne og supertrenar Ola!!!

    Følg vektløftargruppa til BBIL på Facebook her for siste oppdateringar

    Les meir

  • Gratulerer til sterke karar!

    Vi gratulerer Robert-Andre med gull og Leiv Arne med sølv i  U-NM i vektløfting i helga. Meir kjem når karane kjem att frå Hitra, i mellomtida kan du lese kva Firda skriv her.

    Les meir

  • BASISTRENING

    Onsdag 28.10, kl 19.00, startar vi opp med basistrening for alle frå 13 år og oppover, på Breim Skule. Det blir sirkeltrening, styrke, spenst osv. Dette er ei trening som alle treng, og kan vere med på. Det er altså trening på tvers av alle idrettar, der den enkelte jobbar ut frå eigne forutsetningar. Når vi kjem skikkeleg i gang, vil det bli intervalltrening ute.
    Å TRENE I LAG ER SOSIALT OG MORO.

    Les meir

  • Best i landet etter 1.serieomgang

    Breimsbygda leiar 5-kampserien i vektløfting for gutar opptil 18 år etter første serieomgang.
    Norges Vektløftarforbund skriv:

    "I Gutter inntil 18 år er det, gledelig nok, Breimsbygda IL som har ledelsen med 1945,64 poeng. Nidelv IL følger på 2. plass med 1812,89 poeng, og Tambarskjelvar IL er nummer 3 med 1581,17 poeng. Larvik AK er nummer 4 med 1258,22 poeng"

    Vi satsar på å halde unna også i dei to siste serieomgangane!

    Lurer du på kva 5-kamp vektløfting går ut på? KM 5-kamp går på 123 og Byrkjelo Stadion laurdag 13.juni, med start på 123 kl. 11.00. Møt opp og sjå dei beste gutane i landet og inspirerer dei til nye persar og forsatt serieleiing!

    Les meir